wo nami

Witajće na webstronu projekta Serbskeho šulskeho towarstwa z. t., wudawaćel a zamołwity za wobsahi tuteje strony.
W pilotowym projekće smy prěnju zběrku pućowanskich šćežkow zestajili, z wosebitosću, zo wone potrjeby wučerkow a wučerjow sobu wobkedźbuja. Jedna so wo wotewrjeny projekt, t. r. kóždy čas hodźa so nowe pućowanja přidać.
Pućowanja wjedu was po sydlenskim teritoriju Hornjo- a Delnjoserbow we Łužicy. Nazhoniće a nawuknjeće tu něšto wo Łužicy a wo Serbach, jich stawiznach, rěči a kulturje.
Pućowanske namjety maja wotmysł, čitarja pohonjować, Łužicu pućujo aktiwnje dožiwić. Nimo toho ma zběrka wučerkam a wučerjam być pomoc při planowanju swojich pućowanskich dnjow ze šulerjemi a jich inspirěrować.
Kóždy, kotryž chce nowu pućowansku šćežku zestajić, toho lubje witamy. Njech so na nas wobroći.

Projekt spěchuje Załožba za serbski lud, kotraž dóstawa lětnje přiražki z dawkowych srědkow na zakładźe hospodarskich planow, kotrež su Němski zwjazkowy sejm, Krajny sejm Braniborskeje a Sakski krajny sejm wobzamknyli.